Nishikant Dubey Marathi Hindi :‘पटक-पटक’ बोलणाऱ्या दुबेंना संसदेत महाराष्ट्राच्या रणरागिनींनी झापलं! 'जय महाराष्ट्र'च्या घोषणा दणाणल्या!

नवी दिल्ली : राज्यात पहिलीपासून त्रिभाषाच्या मुद्याआडून हिंदी सक्ती होत असल्याच्या दाव्याने राज्यातील वातावरण ढवळून निघाले होते. हिंदी सक्तीच्या मुद्द्यावरून देशभर गाजत असलेल्या वादात विनाकारण महाराष्ट्रावर टीका करणाऱ्या भाजपचे खासदार निशिकांत दुबे यांना बुधवारी संसद भवनात चांगलाच विरोधाचा सामना करावा लागला. दुबेंच्या वादग्रस्त विधानांवर रोष व्यक्त करत काँग्रेसच्या तीन मराठी महिला खासदारांनी संसद भवनाच्या लॉबीत त्यांना घेरलं आणि जाब विचारला. ‘जय महाराष्ट्र’च्या घोषणांनी परिसर दणाणून गेला, तर दुबे यांना चक्क माघारी फिरावं लागलं.