पिंपरी विधानसभा निवडणूक 2024 : महायुती आणि पक्षांतर्गत विरोध अजित पवारांसाठी डोकेदुखी ठरणार का? पिंपरीत दादांचा उमेदवार जिंकणार का?

पिंपरी –चिंचवड या जुळ्या औद्योगिक शहरांचा समावेश दोन वेगवेगळ्या विधानसभा मतदारसंघात होतो. त्यापैकी चिंचवडवर संघ, भाजपचा प्रभाव आहे तर पिंपरी राष्ट्रवादीशी लॉयल आहे. पिंपरी विधानसभेचे विद्यमान आमदार अण्णा बनसोडे आहेत आणि ते अजित पवारांचे विश्वासू कार्यकर्ते मानले जातात. त्यांनाच या वेळीसुद्धा महायुतीतर्फे रिंगणात उतरवण्यात आलं आहे. पण त्यांच्या उमेदवारीला पक्षांतर्गतविरोध भरपूर झाला. महायुतीनेही बनसोडेंना तिकीट देण्याविषयी फार सकारात्मकता दाखवली नव्हती. पण अजितदादांनी त्यांच्या विश्वासाला प्राधान्य देत अण्णांची उमेदवारी तर घोषित केली. आता हा विश्वास अण्णा कसा सार्थ ठरवतात हे कळेल. दरम्यान महाविकास आघाडीपुढे अजून उमेदवार फायनल करण्याचा प्रश्न आहे.