मीरा भाईंदरचा भिकारडा आमदार, त्याचे राजकारण संपविल्याशिवाय राहणार नाही, अविनाश जाधव संतापले

मीरा भाईंदर : अमराठी व्यापाऱ्यांच्या मोर्चाला प्रत्युत्तर म्हणून मराठी माणसांनी आपल्या अस्मितेसाठी मीरा भाईंदरमध्ये काढलेला मोर्चा पोलिसांनी दडपण्याचा प्रयत्न केला, कार्यकर्त्यांची धरपकड केली, मनसे नेते अविनाथ जाधव यांना पोलीस स्टेशनमध्ये स्थानबद्ध केले. परंतु मराठीच्या रेट्यामुळे सरकार आणि पोलिसांना माघार घ्यायला लागल्याने मराठी माणसांचा उस्फूर्त मोर्चा संपन्न झाला. माय मराठीच्या जयघोषात हजारोंच्या गर्दीने मीरा भाईंदरमधले रस्ते फुलून गेले होते. आधी विरोधात भूमिका घेणारे परंतु मराठी माणूस खवळल्याने समर्थनार्थ भूमिका घ्यायला आलेले शिंदे गटाचे आमदार प्रताप सरनाईक यांना लोकांच्या रोषाला सामोरे जावे लागले. ५० खोके एकदम ओके ही लोकसभा आणि विधानसभा निवडणुकीवेळी लोकप्रिय झालेली घोषणा मोर्चात देऊन सरनाईक यांना डिवचल्याने त्यांना मोर्चातून काढता पाय घ्यावा लागला. पोलीस स्टेशनमध्ये स्थानबद्ध केलेले मनसे नेते अविनाथ जाधव यांची मुक्तता केल्यानंतर दुपारी ते मोर्च्याच्या ठिकाणी आले. यावेळी मोर्चेकऱ्यांनी एकच जल्लोष केला. मोर्चेकऱ्यांच्या निशाण्यावर होते भाजपचे आमदार नरेंद्र मेहता...