सोमय्यांच्या ज्या आरोपांनी रान उठवलं, 'त्याच' प्रकरणात वायकरांना मोठा दिलासा!

Ravindra Waikar : राज्यात आगामी विधानसभा निवडणुकीचा प्रचार अंतिम टप्प्यात पोहोचला आहे. उद्या सोमवारी सायंकाळी प्रचाराच्या तोफा थंडावणार आहेत. अशात आता मुख्यमंत्री एकनाथ शिंदे यांच्या शिवसेनेचे खासदार रवींद्र वायकर त्यांच्या पत्नी मनीषा वायकर तसेच त्यांच्या भागिदारांविरोधातील फौंजदारी प्रकरण पुराव्याअभावी बंद करण्यात आले आहे.वायकरांवर मुंबई महापालिकेची दोन लाख वर्ग फूट जमिनीवर अनधिकृत कब्जा केला असून तिथे 500 कोटीचं पंचतारांकीत हॉटेल उभारल्याचा आरोप भाजप नेते किरिट सोमय्या यांनी केला होता. या आरोपानंतर वायकर तुरूंगात जातील अशी चर्चा होती. मात्र आता वर्षभरानंतर आता त्यांची आरोपातून सूटका करण्यात आली आहे.