शिंदेंनी नगरसेवकांना हॉटेलमध्ये का डांबलं? शिवसेनेच्या बड्या नेत्याचं वक्तव्य, म्हणाले, 'जिथे इंजिन चालतं..."

विजय वाघमारे, प्रतिनिधी जळगाव: मुंबई महापालिका निवडणुकीत भारतीय जनता पक्ष सर्वात मोठा पक्ष ठरला असून भाजपनं ८९ जागा जिंकल्या आहेत. तर इथं शिवसेना शिंदे गटाने २९ जागा जिंकल्या आहेत. मुंबईत भाजप पहिल्या क्रमांकाचा पक्ष ठरला असला तरी स्वबळावर सत्ता स्थापन करणं शक्य नाही. त्यामुळे इथं एकनाथ शिंदे किंगमेकरच्या भूमिकेत आले आहेत. त्यांच्या पाठिंब्याशिवाय मुंबईत भाजपचा महापौर होऊ शकत नाही. इथं शिंदेंनी भाजपाला पाठिंबा दिला असला तरी त्यांनी आपल्या सगळ्या नगरसेवकांना ताज लँड्स एंड हॉटेलमध्ये एकत्र ठेवलं आहे.