BMC : निवडणुकीच्या निकालानंतर मुंबईकरांना झटका, मुंबई महापालिका घेणार महत्त्वाचा निर्णय, खिसा रिकामा होणार?

सुमित सावंत, प्रतिनिधी, मुंबई: मुंबई महानगरपालिकेच्या निवडणुकांचा धुराळा खाली बसताच, आता प्रशासनाने आपला मोर्चा मुंबईकरांच्या खिशाकडे वळवला आहे. गेल्या काही वर्षांपासून निवडणुकांमुळे रखडलेला पाणीपट्टी वाढीचा प्रस्ताव आता पुन्हा एकदा धूळ झटकून बाहेर काढण्यात आला आहे. यामुळे २०२६-२७ या नव्या आर्थिक वर्षाच्या सुरुवातीलाच मुंबईकरांना पाणी दरवाढीच्या झळा सोसाव्या लागण्याची शक्यता आहे.