कुणाची सून, कुणाची बायको तर कुणाचा पोरगा, नेत्यांच्या कुटुंबातलं कोण कोण निवडून आलं? राज्यातल्या घराणेशाहीची संपूर्ण यादी

घराणेशाहीचा विषय राजकारणात नेहमीच चर्चेत असतो. त्याचं कारणही तसंच आहे. कार्यकर्त्यांच्या जीवावरच नेत्यांचं राजकारण सुरू असतं. सोशल मीडियावर विरोधकांच्या विरोधात पोस्ट करणं असो की रस्त्यावर उतरून प्रचार करणं असो किंवा अंगावर केसेस घेणं असो यासाठी कार्यकर्ते पुढे असतात. याच साठी नेत्यांना कार्यकर्ते हवे असतात. मात्र हेच कार्यकर्ते नगराध्यक्ष व्हावे, आमदार व्हावे असं नेत्यांना वाटत नाही. परिणामी कार्यकर्ते सतरंजीच उचलत राहतात आणि नेत्यांचे कुटुंबीय खुर्चीवर, मोठ्या पदावर बसतात. राजकीय पार्श्वभूमी नसलेल्या तरूणांनी राजकारणात यावं, त्यांनी कर्तृत्वावर यश मिळवावं, अशी बौद्धिके नेते देत असतात. मात्र सामान्य कुटुंबातून आलेल्या कार्यकर्त्यांना स्थानिक स्वराज्य संस्थेतही तिकीट मिळत नाही. लोकसभा आणि विधानसभा निवडणुकीत नेत्याला निवडून आणण्यासाठी कार्यकर्ते मेहनत घेतात. मात्र आता खासदार, मंत्री आणि आमदारांनी नगराध्यक्षपदाची उमेदवारीही त्यांच्याच घरात ठेवलीय.