Beed Nagar Parishad Election: शेवटच्या दिवशी गेम फिरला, धनुभाऊंच्या परळीत पहिला निकाल आला, शिंदेंच्या सेनेनंही उधळला गुलाल

बीडमधली परळी नगरपरिषद निवडणुकीसाठी जोरदार रस्सीखेच सुरू होती. अशातच आज अर्ज मागे घेण्याच्या शेवटच्या दिवशी उमेदवारांनी सुटकेचा श्वास सोडला. परळीत महायुतीचे दोन उमेदवार विजयी झाले आहे, नगरसेवकपदाचे दोन्ही उमेदवार बिनविरोध निवडून आले आहे.

नगरपरिषद निवडणुकीसाठी उमेदवारी अर्ज मागे घेण्याचा आजचा शेवटचा दिवस होता. बीडच्या परळीनगर परिषदेत महायुतीच्या बाजून पहिलाच निकाल हाती आला आहे. नगरसेवक पदाचे शिंदे गटाचा एक उमेदवार आणि अजित पवार गटाचा एक उमेदवार बिनविरोध निघाला आहे. त्यामुळे निवडणूक होण्यापूर्वीच महायुतीच्या दोन नगरसेवकाला गुलाल लागला आहे.

नगरपरिषद निवडणुकीतील जिल्ह्यातील महायुतीच्या नगरसेवकपदाच्या उमेदवाराचा हा पहिलाच विजय निकाल आहे. राष्ट्रवादी अजित पवार गटाचे प्रभाग क्रमांक 13 मधील रेश्मा बळवंत या बिनविरोध निवडून आल्या आहेत. तर प्रभाग क्रमांक 11 मधील जयश्री गीते या शिंदे शिवसेना गटाच्या नगरसेवक पदाच्या उमेदवार बिनविरोध जाहीर झाले आहेत.

गेवराई नगराध्यक्ष पदाच्या भाजपा उमेदवार गीता त्रिंबक उर्फ बाळराजे पवार यांनी प्रचार फेरीदरम्यान दाभाडे गल्ली येथील मायक्रो ओबीसी कुटुंबातील गरीब मतदाराला जाहिररित्या धमकावल्याचा व्हिडीओ सध्या समाज माध्यमावर व्हायरल झाला आहे.. "काही वळवळ केली तर माझ्या इतके वाईट नाही, एकेकाला झोडपून काढीन, घरकुलाचे दोन्ही हप्ते टाकलेत, बिलकुल विसरायचे नाही, रिकामी वळवळ करायची नाही" अशी धमकीच गीता पवार यांनी धमकी दिली असल्याचं सीसीटीव्हीमध्ये स्पष्ट दिसत आहे. तो व्हिडीओ समाज माध्यमावर व्हायरल झाला आहे.