Nagar Parishad Election : भाजपची त्सुनामी, पण काँग्रेसने फाईट दिली... कोणत्या 35 जागांवर पंजाचा धुरळा? पाहा पूर्ण लिस्ट

Published by:Shreyas Deshpande

Last Updated:Dec 21, 2025 10:56 PM IST

राज्यातील स्थानिक स्वराज्य संस्थांच्या निवडणुकीत भाजपच्या विजयाची त्सुनामी आल्याचं पाहायला मिळालं.

इम्पॅक्ट शॉटतुमचा गेटवे लेटेस्ट न्यूज

Translate

भाजपची त्सुनामी, पण काँग्रेसने फाईट दिली... कोणत्या 35 जागांवर पंजाचा धुरळा? पाहा पूर्ण लिस्ट

मुंबई : राज्यातील स्थानिक स्वराज्य संस्थांच्या निवडणुकीत भाजपच्या विजयाची त्सुनामी आल्याचं पाहायला मिळालं. भाजपचे तब्बल 3 हजारांहून जास्त नगरसेवक तर 129 नगराध्यक्ष जिंकून आलेत. शिंदेंच्या शिवसेनेनं आणि अजित पवारांच्या राष्ट्रवादी काँग्रेसनेही या निवडणुकीत चांगली कामगिरी केली. शिवसेनेचा 56 तर अजित पवारांच्या राष्ट्रवादीचा 33 ठिकाणी विजय झाला. महायुतीनं 200 पेक्षा जास्त जागांवर विजय मिळवला. निवडणुकीच्या मैदानात देवाभाऊच धुरंधर असल्याचं पुन्हा एकदा सिद्ध झालंय.

भाजपच्या त्सुनामी लाटेत महाविकासआघाडी पाला पाचोळ्या सारखी उडून गेली. त्यामुळेचं नगरपरिषद निवडणुकीत राज्यात पुन्हा एकदा भाजप नंबर एकचा पक्ष ठरलाय. विधानसभेनंतर नगरपरिषद आणि नगरपंचायत निवडणुकीत भाजपनं जोरदार मुसंडी मारली. नगरपालिका निवडणुकीत मविआची धुळधाण उडाली.

ठाकरेंची शिवसेना आणि शरद पवारांची राष्ट्रवादी काँग्रेसनं या निवडणुकीत एक प्रकारे बाय दिला होता. काही प्रमाणात काँग्रेसनं लढण्याचा प्रयत्न केला. मात्र महायुतीला रोखण्यात त्यांना यश आलं नाही, असं असलं तरी काँग्रेसला अनपेक्षित अशा 34 जागा मिळाल्या तर उद्धव ठाकरेंची शिवसेना 8 आणि शरद पवारांची राष्ट्रवादीही 8 जागांवर राहिली.

कोणत्या जागांवर काँग्रेसचा विजय?

जिल्हा	नगरपरिषद / नगरपंचायतीचे नाव	विजयी उमेदवारांचे नाव	पक्ष
रत्नागिरी	राजापूर	हु्स्नबानू खलिपे	काँग्रेस
अहिल्यानगर	श्रीरामपूर	करण ससाणे (आघाडी)	काँग्रेस
धुळे	सिंदखेडा	कलावती माळी	काँग्रेस
कोल्हापूर	शिरोळ	योगिता कांबळे	काँग्रेस
कोल्हापूर	वडगाव (कोल्हापूर)	विद्या पोळ	काँग्रेस
सांगली	पळूस	संजीवनी पुदाले	काँग्रेस
छ. संभाजीनगर	कन्नड	शेख फरीन बेगम	काँग्रेस
छ. संभाजीनगर	खुलताबाद	अमीर पटेल	काँग्रेस
नांदेड	हिमायतनगर	शेख रसिक	काँग्रेस
नांदेड	कंधार	शहाजी नळगे	काँग्रेस
अकोला	बाळापूर	अर्फिम परबिंद मोहम्मद जमीर	काँग्रेस
अमरावती	चिखलदरा	अब्दुल शेख हैदर	काँँग्रेस
अमरावती	दर्यापूर	मंदा भारसाकडे	काँग्रेस
बुलढाणा	लोणार	मिरा मापारी	काँग्रेस
बुलढाणा	मलकापूर (बुलढाणा)	आतिक जवारी वाले	काँग्रेस
बुलढाणा	शेगाव	प्रकाश शेगोकार	काँग्रेस
यवतमाळ	आर्णी	नालंदा भरणे	काँग्रेस
यवतमाळ	घाटंजी	परेश कारिया	काँग्रेस
चंद्रपूर	बल्लारपूर	अलका वाढई	काँग्रेस
चंद्रपूर	ब्रह्मपूरी	योगेश मिसार	काँग्रेस
चंद्रपूर	घुग्घुस	दिप्ती सोनटक्के	काँग्रेस
चंद्रपूर	मूल	एकता समर्थ	काँग्रेस
चंद्रपूर	नागभीड	स्मिता खापर्डे	काँग्रेस
चंद्रपूर	राजुरा	अरुण धोटे	काँग्रेस
चंद्रपूर	वरोरा	अर्चना ठाकरे	काँग्रेस
गोंदीया	गोंदिया	सचिन शेंडे	काँग्रेस
गोंदीया	गोरेगाव	तेजराम बिसने	काँग्रेस
गोंदीया	सालेकसा	विजय फुंडे	काँग्रेस
नागपूर	बुटीबोरी	सुमित मेंढे	काँग्रेस
नागपूर	मोहपा	माधव चर्जन	काँग्रेस
वर्धा	देवळी	किरण ठाकरे	काँग्रेस
वर्धा	पुलगाव	कविता ब्राह्मणकर	काँग्रेस
वर्धा	वर्धा	सुधीर पांगुळ	काँग्रेस

वडेट्टीवार जाएंट किलर

राज्यभरात भाजप आणि मित्रपक्षाला भरघोस यश मिळाल्याचं चित्र असताना चंद्रपूर मात्र त्याला अपवाद ठरलं. चंद्रपुरात काँग्रेसचे नेते विजय वडेट्टीवार यांच्या होमपिचवर काँग्रेसनं मोठं यश संपादन केलं. चंद्रपुरात 11 पैकी 8 जागेवर काँग्रेसनं विजय मिळवलाय. तर भाजप आणि शिंदेंच्या शिवसेनेला अवघ्या 1-1 जागी समाधान मानावं लागलं. तर एका जागेवर अपक्षानं विजय मिळवला. विजयानंतर जल्लोष करताना विजय वडेट्टीवार यांनी डान्सही केला. 'चंद्रपूर मे टायगर अभी जिंदा हैं' अशी प्रतिक्रिया वडेट्टीवार यांनी दिली.

view comments

Location :

Mumbai,Maharashtra

First Published :

Dec 21, 2025 10:56 PM IST

Nagar Parishad Election : भाजपची त्सुनामी, पण काँग्रेसने फाईट दिली... कोणत्या 35 जागांवर पंजाचा धुरळा? पाहा पूर्ण लिस्ट