247 तोळं सोनं, हिऱ्याचे दागिने आणि 65 लाख रोख, 22 मिनिटांमध्ये 4 कोटी गायब, अखेरीस रजनीकांत पोलिसांना सापडला

बलजिंदर सिंग यांचा पेट्रोल पंप आहे. पेट्रोल पंप व्यवसायातील 65 लाख रोख रुपये देखील घरी होते. त्यांच्या भावाच्या बेडरूम मधून चोरट्यांनी रोकड देखील लंपास केली होती. नय्यर यांचे कुटुंबीय पहाटे 3 च्या सुमारास घरी परत आल्यावर चोरीची घटना उघडकीस आली, त्यानंतर पोलिसांनी अज्ञात चोरट्या विरोधात गुन्हा दाखल करून तपास सुरू केला.

केवळ 22 मिनिटांत चोरट्यांनी चार कोटींच्या मुद्देमालावर हात साफ केला होता, काही सीसीटीव्हीमध्ये चोरटे दिसले होते पण ते स्पष्ट नव्हते. त्यामुळे चोरट्यांचा शोध लावण्याचं आव्हान गुन्हे शाखा पोलिसांसमोर होतं. सीसीटीव्ही फुटेज तपासात गेल्या वर्षी पकडलेल्या चोरावर पोलिसांचा संशय आला, त्यांची शरीरयष्टी भंडारा जिल्ह्यातील सराईत चोर चानोरे आणि उरकुडे यांचेशी जुळत होती. या संशयाच्या आधारावर पोलिसांनी या दोघांच्याही घरावर धाड मारली तिथे चोरीचे 32 लाख 97 लाख रोख,122 तोळे सोन्याचे,197 ग्राम हिऱ्याचे दागिने सापडले होते, त्यामुळे पोलिसांना खात्री पटली की हेच दोघे चोर आहे.

रजनीकांत चानोरे आणि प्रताप उरकुडे हे दोघेही फरार होते. मात्र दोघेही आरोपी मुंबई,अहमदाबाद, पुणे असे एका शहरातून दुसऱ्या शहरात असल्याचे पोलिसांना माहिती मिळाली.अखेर गुन्हे शाखेने दोन्ही आरोपींना पुण्याच्या भोसरी येथील एका लॉज मधून अटक केली.

यातला रजनीकांत नावाच्या चोराला महागडी घड्याळे, कपडे, बोट, हॉटेलिंग आणि पर्यटनाचा छंद होता. तसंच चोरीचा पैसा तो शेअर मार्केटमध्येही गुंतवणूक करत होता, अशीही माहिती समोर आली आहे. पोलिसांनी दोन्ही आरोपींकडून 3 कोटींपेक्षा अधिकच्या मुद्देमाला जप्त  केलाा असून अधिक तपास नागपूर पोलीस करत आहेत.