Nagpur accident : अज्ञात वाहनानं पोलीस अधिकाऱ्याच्या दुचाकीला उडवलं, नागपुरात भीषण अपघात

घटनेबाबत अधिक माहिती अशी की, अज्ञात वाहनाच्या धडकेत पीएसआय दीपक चोरपगार यांचा मृत्यू झाला आहे. ही घटना मानकापूर उड्डाणपुलावर घडली आहे. दीपक चोरपगार हे ड्युटीवरून घरी परतत होते. याचवेळी मानकापूर उड्डाणपुलावर त्यांच्या बाईकला अज्ञात वाहनानं जोरदाची धडक दिली, या अपघातामध्ये बाईकवरून पडल्यानं त्यांच्या डोक्याला मार लागला, ते या घटनेत गंभीर जखमी झाल्यानं त्यांचा मृत्यू झाला.

दीपक चोरपगार हे धंतोली पोलीस ठाण्यात तैनात होते, गुरुवारी रात्री ड्युटी संपवून घरी बाईकवरून जात असताना मानकापूर उड्डाण पुलावर अज्ञात वाहनाने त्यांच्या बाईकला धडक दिली. या अपघातामध्ये गंभीर जखमी झाल्यानं त्यांचा मृत्यू झाला आहे. या घटनेनं परिसरात हळहळ व्यक्त होत आहे.