बायकोच्या छळाला कंटाळून त्रासलेल्या नवऱ्याने गोदावरी नदीत मारली उडी

गोवर्धन घाटावर तैनात असलेल्या जीव रक्षक दलाच्या जवानांनी संबंधित व्यक्तीचा जीव वाचवला. अशोक कांबळे असे या व्यक्तीचे नाव आहे. शहरातील आंबेडकर नगरात अशोक कांबळे यांचे वास्तव्य आहे.

जीव रक्षक दलाच्या जवानांना अशोक कांबळे यांच्या खिशात एक चिठ्ठी आढळली . त्यात पत्नी आपला वीस वर्षापासून छळ करत असल्याचे लिहिलेले होते. पत्नीने मारहाण करुन हात मोडला, एक डोळा अपंग केला, सततच्या मारहाणीने माझे जीवन असह्य झाले आहे, असा उल्लेख चिठ्ठीत होता.

पत्नीच्या छळामुळेच आपण आत्महत्येचा प्रयत्न करत होतो, असे पोलिसांना दिलेल्या जबाबात अशोक कांबळे यांनी म्हटले आहे. दरम्यान वजिराबाद पोलिसांनी त्यांना शासकीय रूग्णालयात दाखल केले असून पुढील कारवाई सुरू आहे.