'रोज थोडं-थोडं मरण्यापेक्षा विष खाऊन झोपते'; नवविवाहितेच्या सुसाइड नोटमधील शेवटचे शब्द मन हेलावून टाकणारे

लक्ष्मण घाटोळ, प्रतिनिधी नाशिक: ज्या संसाराची स्वप्ने पाहून नववधूनं अग्निसाक्षीने नव्या आयुष्याची सुरू केली, तो काचेसारखा संसार अवघ्या सहा महिन्यांतच मोडला. नाशिकमधील हिरावाडी परिसरात नेहा पवार या नवविवाहितेने विष प्राशन करून आपले जीवन संपवल्याची अत्यंत हृदय पिळवटून टाकणारी घटना समोर आली. याआधी तिने सात पानांची चिठ्ठी लिहून पती, सासू आणि नणंदेकडून होणारा मानसिक छळ, चारित्र्यावर संशय आणि लैंगिक अत्याचाराच्या वेदनांना कंटाळून तिने हे टोकाचे पाऊल उचललं असं सांगितलं. टोकाचं पाऊल उचलण्यापूर्वी सहा ते सात पानी सुसाइड नोट लिहून, तिने माहेरच्यांना पाठवलेले मदतीचे ते अखेरचे शब्द वाचणाऱ्या प्रत्येकाच्या डोळ्यात पाणी आणणारे आहेत.