Kalyan Shocking News : शाळा,क्लास बुडवून चिमुकली मुलं कुठे जात होती; पोलिसांकडून धक्कादायक माहिती पुढे

धक्कादायक म्हणजे चक्क काही मुलं- मुली धूम्रपान, बीअर हातात घेऊन फिरताना दिसले यामुळे पोलिसही थक्क झाले. पालकांना आपल्या मुलांचे आयुष्य अशा प्रकारे चालले आहे याची कल्पनाही नव्हती.

कोळसेवाडी पोलिसांना स्थानिकांकडून या बेकायदेशीर गेम झोनची माहिती मिळताच कल्याणचे पोलिस उपायुक्त अतुल होंडे यांनी तातडीने छाप्याचे आदेश दिले. त्यानंतर पोलिसांनी या ठिकाणी येऊन धाड टाकली. कोणतीही परवानगी नाही त्यात सुरक्षा यंत्रणा नाही, अग्निशमन साधनांची तर पुसटशी कल्पनाही नाही. अंधारात बसवलेल्या मशीनवर शेकडो मुलं-मुली बेभान गेम खेळताना दिसली.