लेक कायमचा सोडून गेला, आक्रोश झाला; अंत्यसंस्काराची तयारी सुरू आली अन् घडलं असं काही…

नाशिकच्या त्र्यंबकेश्वर तालुक्यात 19 वर्षीय भाऊ लचेक नावाचा तरुण अपघातात गंभीर जखमी झाला. या गंभीर जखमी झालेल्या तरुणाला नाशिकच्या मेडिकल कॉलेजमध्ये उपचारासाठी दाखल करण्यात आले. मात्र तपासण्या केल्यानंतर हॉस्पिटल प्रशासनाने सदर जखमी तरुणाला ब्रेन डेड म्हणून घोषित केल्याचा दावा त्याच्या नातेवाईकांनी केला. मात्र या जखमी तरुणाच्या नातेवाईकांचा ऐकण्यात गोंधळ झाला आणि त्यांनी केवळ डेड म्हणजेच मृत्यू झाला असे समजून या तरुणाला अंत्यविधीसाठी घरी नेले.

मात्र अंत्यविधीची तयारी सुरू असताना हा तरुण अचानक हालचाल करू लागल्याने सर्वांच्याच भुवया उंचावल्या आणि नेमकं काय घडतंय हेच या लोकांना समजले नाही. या नंतर जखमी युवकाला पुन्हा नाशिकच्या जिल्हा रुग्णालयात उपचारासाठी दाखल करण्यात आले. मात्र हा तरुण ब्रेन डेड नसल्याचा खुलासा जिल्हा रुग्णालयाच्या डॉक्टरांनी केला. तर मेडिकल कॉलेज प्रशासनाने या जखमी तरुणाला त्याचे नातेवाईक खाजगी रुग्णालयात घेऊन जातो असं सांगून घेऊन गेले अशी माहिती दिली. या मुळे या प्रकरणातला गुंता अधिकच वाढला आहे,मात्र हा सगळा प्रकार गैरसमजुतीतून झाला आहे की आणखी दुसऱ्या काही कारणातून झाला हे मात्र समजू शकलं नाही,मात्र या प्रकरणाची जोरदार शहरात पाहायला मिळाली.

क्षणभर कुणालाच काही कळेना. डोळ्यासमोर आपल्या मुलाचा मृतदेह समजून ठेवलेले पार्थिव आणि त्याच क्षणी जिवंत, सुखरूप परतलेला मुलगा! हे नेमकं काय घडतंय, याचा विचार करत सर्वजण अवाक् झाले. मृत्यूच्या दारातून परतलेल्या तरूणाला पाहताच काही क्षणांपूर्वी शोकसागरात बुडालेले कुटुंब आनंदाने गहिवरले. डोळ्यातील अश्रू अचानक आनंद अश्रूत बदलले. जे मृत झाले म्हणून अंत्यसंस्कार करणार होते, तेच प्रत्यक्षात परतल्याने कुटुंबियांबरोबरच ग्रामस्थांनाही आश्चर्याचा धक्का बसला.