जयश्री थोरातांवर आक्षेपार्ह टिप्पणी, अजित पवार यांनी फोन करून सुजय विखेंना झापलं

मुंबई : संगमनेरमध्ये भाजप नेते सुजय विखे पाटील यांच्या संकल्प मेळाव्यात बोलताना भाजप नेते वसंतराव देशमुख यांनी वादग्रस्त वक्तव्य केल्यानं वातावरण तापलं आहे. यानंतर काँग्रेसचे ज्येष्ठ नेते बाळासाहेब थोरात यांच्या समर्थक आणि कार्यकर्त्यांनी आक्रमक होत पोलीस ठाण्यात ठिय्या मांडला. राज्यभरातून सुजय विखे पाटील यांच्यासह वसंतराव देशमुख यांच्यावर टीका केली जात आहे. वसंतराव देशमुख यांच्या वक्तव्यानंतर राष्ट्रवादी काँग्रेसचे नेते अजित पवार यांनी सुजय विखे पाटील यांची कानउघाडणी केलीय. अजित पवार यांनी सुजय विखे पाटील यांना कॉल करून वादग्रस्त वक्तव्ये टाळण्याच्या सूचना दिल्या आहेत.