'उद्धव ठाकरेंविरोधात अटक वॉरंट काढा', प्रकाश आंबेडकरांची मोठी मागणी, आयोगाकडे अर्ज

अभिजीत पोते, प्रतिनिधी पुणे: स्थानिक स्वराज्य संस्थांच्या निवडणुकीची धामधूम सुरू असताना उद्धव ठाकरे यांच्या अडचणीत वाढ करणारी बातमी समोर आली आहे. भीमा कोरेगाव येथील दंगलीच्या चौकशीसाठी स्थापन करण्यात आलेल्या आयोगासमोर हजर न राहिल्यामुळे माजी मुख्यमंत्री उद्धव ठाकरे यांच्या अडचणी वाढण्याची शक्यता आहे. आयोगाने वारंवार नोटीस पाठवूनही उद्धव ठाकरे किंवा त्यांचे प्रतिनिधी हजर न झाल्याने, प्रकाश आंबेडकर यांच्या वकिलांनी थेट त्यांच्या विरोधात अटक वॉरंट जारी करण्याची मागणी केली आहे. त्यांनी याबाबतचा अर्जही आयोगाकडे दाखल केला आहे.