Honor Killing In Parbhani : प्रेमविवाहाला घरच्यांचा विरोध, जन्मदात्या बापानेच दाबला गळ अन्.. ऑनर किलिंगची Inside Story

याप्रकरणी पालम पोलीस ठाण्यामध्ये आठ जणांच्या विरोधात खून करून, पुरावा नष्ट केल्याच्या प्रकरणी गुन्हा दाखल करण्यात आला आहे. सीमा (नाव बदलेलं) असं 19 वर्षीय तरुणीचं नाव आहे. या प्रकरणी तिचे वडील, आई, आणि भावकीतील इतक नातेवाईकांच्या विरोधात गुन्हा दाखल करण्यात आला आहे. मयत तरुणीचे गावातील दुसऱ्या जातीतील मुलासोबत प्रेम संबंध होते. त्यातून आंतरजातीय विवाह करू नये, असा घरातील मंडळींचा आग्रह होता. परंतु सीमा त्या मुलासोबत लग्न करण्यावर ठाम होती. त्यातून 21 एप्रिल रोजी पहाटेच्या दरम्यान तिचा खून करण्यात आला आणि त्याच रात्री कोणालाही माहिती होऊ नये, यासाठी भावकितील निवडक लोकांना सोबत घेऊन, स्मशानभूमीत जाळून पुरावा नष्ट करण्यात आला. या प्रकरणाची अनेक जणांना माहिती असताना देखील सर्वांनी गुप्तता पाळली. अखेर पोलिसांना कुणकुण लागल्यावर या प्रकरणी पोलिसांनी गुन्हा दाखल करून संशयित आरोपींना ताब्यात घेतलं आहे.