अजितदादा गेले, शोकाकुल झालेल्या जनसमुदायाला जय-पार्थने सावरलं, VP मैदानावरील लाखभर लोक स्तब्ध

बारामती : कामाप्रती प्रचंड निष्ठा असलेले, कुशल प्रशासक, दिलेला शब्द पाळणारे आणि महाराष्ट्रातील अत्यंत लोकप्रिय नेते उपमुख्यमंत्री अजित पवार यांचे बुधवारी विमान अपघातात निधन झाले. त्यांच्या जाण्याने महाराष्ट्र एका सुसंस्कृत, अभ्यासू आणि विकासात महत्त्वपूर्ण योगदान देणाऱ्या व्यक्तिमत्वाला मुकला आहे. त्यांचे पार्थिव बारामतीमधील विद्या प्रतिष्ठानाच्या महाविद्यालयावर अंत्यदर्शनासाठी ठेवण्यात आले आहे. अजितदादांचे अखेरचे दर्शन घेण्यासाठी हजारो बारामतीकरांनी आणि राज्याच्या कानाकोपऱ्यातून आलेल्या नागरिकांनी गर्दी केली होती. शोकाकुल झालेल्या हजारो जणांना अजित पवार यांचे पुत्र पार्थ पवार आणि जय पवार यांनी सावरले.