थंडीपासून पिकांचे कसे रक्षण करावे? मराठवाड्यातील शेतकऱ्यांना कृषी अभ्यासकांचं मार्गदर्शन

मराठवाड्यात हिवाळ्याच्या चाहुलीने शेतकऱ्यांच्या कामात नव्या आव्हानांची सुरुवात होते. या काळात विशेषतः टोमॅटो, मिरची आणि मेथी यांसारख्या पिकांवर थंडीचा मोठा परिणाम दिसून येतो. थंड वाऱ्यामुळे झाडांची वाढ खुंटते, फुलगळ होते आणि कीड-रोगांचा प्रादुर्भाव वाढतो. त्यामुळे शेतकऱ्यांनी पिकांचे संरक्षण करण्यासाठी योग्य वेळी काळजी घेणे अत्यावश्यक ठरते अशी माहिती बीड जिल्ह्यातील कृषी अभ्यासक महादेव बिक्कड यांनी दिली.