Accident News : ओव्हरटेकच्या नादात ट्रकने मॅक्स ऑटोला हवेत उडवलं, गाडीचा झाला चक्काचूर, भीषण अपघातात 9 जणांचा मृत्यू

Pune Accident News : पुण्यातून एक अपघाताची धक्कादायक घटना समोर आली आहे. या घटनेत एका भरधाव आयशर ट्रकने मॅक्स ऑटोला भीषण धडक दिल्याची घटना घडली आहे. ही धडक इतकी भीषण होती की मॅक्स ऑटो अक्षरश हवेत उडाली होती. आणि समोरच उभ्या असलेल्या एसटीवर धडकली होती. या भीषण अपघातात आता 9 जणांचा जागीच मृत्यू झाला आहे,तर 7 जण गंभीररित्या जखमी झाले आहेत. या घटनेनंर आरोपी आयशर ट्रक चालक फरार झाला आहे. पोलिस या आरोपीचा शोध घेत आहेत. दरम्यान या घटनेची दखल मुख्यमंत्री देवेंद्र फडणवीसांनी घेतली असून मृतांना पाच लाखाची मदत जाहीर करण्यात आली आहे.