Pune Election : पुण्यात ईव्हीएमचा नवा घोळ? तीन मतदान झालं चौथ्या मतदानाला..., अंकुश काकडेंचा गंभीर आक्षेप

अभिजीत पोते, प्रतिनिधी, पुणे : राज्यातील २९ महापालिका निवडणुकांसाठीचे मतदान सुरू झाले आहे. ठिकठिकाणी मतदारांनी रांगा लावण्यास सुरुवात केल्या आहेत. तर, दुसरीकडे काही ठिकाणी ईव्हीएम बिघाडाच्या तक्रारी समोर येऊ लागल्या आहेत. पुणे महापालिका निवडणुकीत मतदान प्रक्रियेवर प्रश्नचिन्ह निर्माण करणारा प्रकार समोर आला आहे. राष्ट्रवादी काँग्रेस (शरद पवार गट)चे नेते अंकुश काकडे यांनी ईव्हीएम मशीनच्या कार्यप्रणालीवर आक्षेप नोंदवला आहे.