Raigad Accident : मारूती कारने बाईकला फरफटत नेलं, डोळ्यासमोर नवऱ्याचा मृत्यू, रायगड हादरलं!

Raigad Accident News : रायगड जिल्ह्यातून एक धक्कादायक घटना समोर आली आहे.या घटनेत मारूती कार आणि बाईकचा विचित्र अपघात झाल्याची घटना घडली आहे. या अपघातानंतर कार चालकाने बाईकला दूरपर्यंत फरफटत नेले होते. त्यामुळे या घटनेत पुरुषाचा जागीच मृत्यू झाला आहे तर सुदैवाने महिला थोडक्यात बचावली आहे. मोहम्मद हनीफ अजहर बेगी असे मृत्य झालेल्या इसमाचे नाव होते. विशेष म्हणजे या इसमाचा मृत्यू बायकोच्या डोळ्यादेखत झाला होता.रायगडमधील दिवेआगरमध्ये हा भयानक अपघात घडला आहे. या अपघातानंतर हळहळ व्यक्त होत असून स्थानिक नागरीक प्रचंड आक्रामक झाले होते.