रुपाली चाकणकरांनंतर महिला आयोगाच्या पुढच्या अध्यक्षा कोण? रोहित पवार यांनी सुनेत्राकाकींना ४ नावं सुचवली

मुंबई : नाशिकचा भोंदूबाबा अशोक खरात याच्या अध्यात्मिक रुपाला भुलून रुपाली चाकणकर यांनी त्याला गुरू मानले. त्याची पाद्यपूजा करीत गुरूमाऊली म्हणत भावी जीवनाचा मंत्र त्याच्याकडून घेतला. अगदी त्याला पांडुरंग रूप मानून देवाप्रमाणे त्याला पुजले. मात्र त्याच्याबाबत काळे सत्य समोर येताच हात वर करून आपण मुरलेल्या राजकारणी आहोत, हे त्यांनी सिद्ध केले. त्याच्या काळ्या धंद्यांपायी रुपाली चाकणकर यांना महिला आयोगाच्या अध्यक्षपदाचा त्याग करावा लागला. चाकणकर खुर्चीवरून पायउतार झाल्यानंतर पुढच्या महिला आयोगाच्या अध्यक्षा कोण? अशी चर्चा रंगलेली असताना राष्ट्रवादीचे आमदार रोहित पवार यांनी चार नावे सुचवली आहेत. तसेच हा निर्णय सुनेत्रा काकींनाच घ्यायचाय असे आवर्जून सांगत भाजपने हस्तक्षेप करू नये, असेही त्यांनी अप्रत्यक्षपणे सांगितल्याचे बोलले जाते.