Sangli Crime : बस स्थानकात खचाखच गर्दी; सर्वांदेखत चौघांनी तरुणाला भोसकलं; हत्येचा थरार सीसीटीव्हीत कैद

सांगली, 26 ऑगस्ट : दोन दिवसांपूर्वीच नाशिक शहरात भरदिवसा एका तरुणाची एका टोळक्याने धारदार शस्त्रांनी भोसकून हत्या केली. याआधीही नाशिकमध्ये अशाच प्रकारे दोन हत्या झाल्या होत्या. आता असाच हत्येचा पॅटर्न सांगनी जिल्ह्यात आला की काय? असा प्रश्न उपस्थित होत आहे. कारण, आज जिल्ह्यातील कवठेमहांकाळमध्ये भरदिवसा शेकडो प्रवाशांच्या समोर एका तरुणाचा चाकूने भोसकून हत्या करण्यात आली. ही घटना स्थानकात लावलेल्या सीसीटीव्ही कॅमेऱ्यात कैद करण्यात आली आहे. या घटनेनंतर परिसरात भितीचे वातवरण पसरलं होतं.

मृत संदीपने एक व्हिडीओ सोशल मीडिया प्लॅटफॉर्म इंस्टाग्रामवर व्हायरल केला होता. काही दिवसांपूर्वी संदीपने ओम पवार उर्फ ओम्या खटकी या तरुणाला मारहाण केली होती. हॉटेलमध्ये ही मारहाण झाली होती. या मारहाणीचा व्हिडिओ संदीपने इन्स्टाग्राम वर टाकला होता. याचाच राग ओम पवार उर्फ ओम्या खटकी याला आला होता. त्याने संदीपचा काटा काढण्याचे ठरवलं आणि गुरुवारी सायंकाळी अंबडच्या शिवाजी चौकात संदीप पाणीपुरी खात असताना ओम्या व त्याचे साथीदार शिवाजी चौकात आले. अवघ्या काही सेकंदात संदीप वर सपासप वार केले. या हल्ल्यानंतर संदीप गतप्राण झाला. एवढ्यावरच हा ओम्या खटकी थांबला नसून त्याला मारल्यानंतर त्याने इन्स्टाग्रामवर लाईव्ह करत उत्तर दिले.