मविआचा जागावाटपाचा वेग कमी, दोन दिवस चर्चा थांबलेली; पटोलेंबद्दल काय म्हणाले संजय राऊत

मुंबई : शिवसेना ठाकरे गटाचे नेते संजय राऊत यांनी राज्यातील काँग्रेसची तक्रार दिल्लीत केल्यानं मविआत वादाची ठिणगी पडलीय. त्यातच काँग्रेसकडून विदर्भात जागा सोडणार नाही अशी भूमिका घेण्यात आलीय. या वादाच्या पार्श्वभूमीवर काँग्रेस प्रभारी रमेश चेन्निथला यांनी शिवसेना ठाकरे गटाचे प्रमुख उद्धव ठाकरे यांची भेट घेतली. या भेटीनंतर बोलताना संजय राऊत म्हणाले की, आमच्यात चर्चा झाली आणि थांबलेली चर्चा आजपासून पुन्हा सुरू होईल.