फुफ्फुसात दुधाची उलटी अडकली अन् 20 दिवसांची चिमुकली जिवानिशी गेली; डाॅक्टर म्हणतात...

वेदिका संताजी कांबळे (वय-20 दिवस) असे मृत बाळाचे नाव आहे. मूळची कोडोली पारगाव, ता. हातकणंगले येथील कांबळे कुटुंब सध्या तळबीड येथील भुईंगल्लीत राहते. तळबीड पोलिसांनी दिलेल्या माहितीनुसार, वेदिकाची आई अंकीता तिला स्तनपान करत होती. त्याचवेळी चिमुकलीला उलटी झाली आणि ती तिच्या फुफ्फुसांमध्ये अडकली. वेदिकाला अचानक त्रास होऊ लागल्याने कुटुंबीयांनी तिला तात्काळ कराड येथील कॉटेज हॉस्पिटलमध्ये दाखल केले. परंतु, उपचारापूर्वीच तिचा दुर्दैवी मृत्यू झाला.

आपल्या तान्ह्या मुलीचा अशा प्रकारे दुर्दैवी मृत्यू झाल्याने कुटुंबीयांना मोठा मानसिक धक्का बसला आहे. रुग्णालयासमोर कुटुंबीयांनी केलेला आक्रोश काळीज पिळवटून टाकणारा होता. या घटनेची नोंद कॉटेज हॉस्पिटलचे डॉ. तुषार नाळे यांनी तळबीड पोलीस ठाण्यात दिली आहे.