...तर महायुतीत राहून फायदा काय? आमदाराचा अजितदादांना थेट सवाल

अजित पवार यांची साथ सोडल्याबाबत भूमिका मांडताना दीपक चव्हाण म्हणाले, खरे तर आम्हाला महायुतीत करमतच नव्हते. पण नेत्याने (अजित पवार) निर्णय घेतला होता. म्हणून आम्हाला जावे लागले. शेवटी जनतेच्या प्रश्नांना महत्व असते. परंतु आमची कोणतीही कामे महायुतीतील घटक पक्षांच्या मंत्र्यांनी केली नाहीत. आम्हाला सन्मान मिळाला नाही. नाईलाजाने आम्ही महायुतीत राहिलो.

आम्हाला तिकडे अजिबात करमत नव्हते. सगळ्या चुकीच्या गोष्ठी महायुतीत घडत होत्या. परंतु हे अजितदादांच्या अजून का लक्षात येत नाही, याची मला कल्पना नाही. झाले गेले जाऊ द्या. आता पुन्हा शरद पवार यांच्या नेतृत्वात काम करण्यासाठी तुतारी हाती घेतली आहे. पक्षस्थापनेपासून मी पक्षाचे काम करतो आहे. पक्षाने मला संधी दिली. आता शरद पवारांचे हात बळकट करायचे आहेत. आता फलटणमध्ये तुतारी वाजवायचीच, असा निर्धार दीपक चव्हाण यांनी बोलून दाखवला.