सातारकर पाणी जपून वापरा! ऐन पावसाळ्यात शुक्रवारपासून पाणीकपात

सातारा: गेल्या काही दिवसांत धो धो पावसानं हैराण झालेल्या सातारकरांना पाणीटंचाईला सामोरं जाव लागणार आहे. शहरात शुक्रवारपासून पाणी कपात होणार असून त्यामुळे पाणी जपून वापरावं लागणार आहे. कास व शहापूर पाणी योजनांमध्ये उद्भवलेल्या तांत्रिक अडचणींमुळे प्रशासनाने 16 ऑगस्टपासून पाणी कपातीचा निर्णय घेतला आहे. यानुसार प्रत्येक पेठेच्या पाणीपुरवठ्यात आठवड्यातून एक दिवस कपात केली जाणार आहे.