हाच का महिलांचा सन्मान? शायना एनसींबद्दल वक्तव्यानंतर अरविंद सावंतांना शिंदे गटासह भाजपने सुनावलं

मुंबई : शिवसेना ठाकरे गटाचे खासदार अरविंद सावंत यांनी मुंबादेवी मतदारसंघातील शिवसेनेच्या उमेदवार शायना एनसी यांना इम्पोर्टेड माल असं संबोधल्यानं वाद उफाळला आहे. ठाकरे गटाचे उमेदवार अमिन पटेल यांच्या प्रचारावेळी बोलताना अरविंद सावंत यांची जीभ घसरली. या वक्तव्यावरून शिवसेना शिंदे गट आणि भाजपकडून अरविंद सावंत यांच्यावर जोरदार निशाणा साधण्यात आला. शायना एनसी यांनीही अरविंद सांवत यांना चोख प्रत्युत्तर देताना ठाकरे आणि शरद पवार यांना सवाल केला आहे. तसंच मला माल म्हणणाऱ्यांचे २३ नोव्हेंबरला हाल होतील असंही शायना एनसी म्हणाल्या.