Pune News : सिंहगड किल्ल्यावरून तरुण बेपत्ता, 1000 फूट खोल दरीत कोसळल्याची भीती, पर्यटकांमध्ये घबराट

अभिजीत पोते, प्रतिनिधी, पुणे : पुण्याच्या ऐतिहासिक सिंहगड किल्ल्यावर पर्यटकांची सतत वर्दळ असते. सध्या पावसाळ्यामुळे पर्यटकांची पावले सिंहगडाकडे वळली आहेत. मात्र, बुधवारी संध्याकाळी येथे एक धक्कादायक घटना घडली. गौतम गायकवाड नावाचा एक तरुण किल्ल्यावरून बेपत्ता झाला आहे. मिळालेल्या माहितीनुसार, तो सिंहगड किल्ल्यावरील तानाजी कडा परिसरात शेवटचा दिसला होता. त्यानंतर त्याचा काहीच पत्ता लागलेला नाही. त्यामुळे तो या कड्यावरून घसरून दरीत पडल्याची भीती व्यक्त केली जात आहे.