10 दिवस ICU मध्ये उपचार, समाजसेवक बाबा आढाव यांची प्रकृती बिघडली, रुग्णालयातून मोठी अपडेट

अभिजीत पोते, प्रतिनिधी पुणे: कष्टकऱ्यांचे आणि श्रमिकांचे नेते म्हणून ओळखले जाणारे ज्येष्ठ समाजसेवक डॉ. बाबा आढाव यांची प्रकृती अचानक खालावल्यामुळे त्यांना पुण्यातील पूना हॉस्पिटलमध्ये उपचारासाठी दाखल करण्यात आलं आहे. मागील दहा दिवसांपासून त्यांच्यावर उपचार सुरू असून, सध्या त्यांची प्रकृती गंभीर अवस्थेत असल्याने त्यांना तातडीने अतिदक्षता विभागात ठेवण्यात आलं आहे.