Independence Day : 1947 मध्ये भारताला मिळाले स्वातंत्र्य, पण 17 वर्षे आधीच सोलापुरातील 4 जण झाले हुतात्मा

लोकल18 शी बोलताना त्यांनी सांगितले की, सोलापूर हे स्वातंत्र्यपूर्व काळात राजकीयदृष्ट्या जागरुक शहर होते. महात्मा गांधी यांनी 1930 साली सविनय कायदेभंगाची हाक देशवासियांना दिला. त्यांच्या हाकेला सोलापूरकरांनीही प्रतिसाद दिला. 9, 10, 11 आणि 12 मे अशी चार दिवस सोलापूर स्वतंत्र होते. सोलापूरच्या नगरपरिषेदेवर हे चार दिवस तिरंगा फडकत होता.

सोलापूरकरांचा हा लढा दडपून काढण्यासाठी ब्रिटीशांना शहरात ‘मार्शल लॉ’ ची घोषणा करावी लागली. या चळवळीतील क्रांतीकारी तरुण मल्लप्पा धनशेट्टी ,श्रीकिसन सारडा, जगन्नाथ शिंदे आणि कुर्बान हुसेन यांना 12 जानेवारी 1931 रोजी ब्रिटीशांनी फासावर लटकवलं. त्यांचे स्मरण म्हणून सोलापूरमध्ये 12 जानेवारी हा दिवस हुतात्मा दिन म्हणून साजरा केला जातो.

दरम्यान, काही तरुण रुपाभवानी मंदिराकडे शिंदीची झाडे तोडण्यासाठी गेले. तरुण आंदोलकांच्या उत्साहाला उधाण आले होते. आंदोलनकर्त्याच्या दगडफेकीत DSP फ्लेपेअर आणि 3 पोलीस जखमी झाले. पोलिसांकडील गोळ्या संपत असल्याचं पाहून जमावाने आणखी आक्रमकपणे पोलिसांचा विरोध सुरू केला. मल्लप्पा धनशेट्टी यांचा शहरातील तरुणांवर प्रभाव होता. पकडलेल्यांची नावे लिहून घेऊन त्यांना सोडून द्या, अशी विनंती मल्लप्पा धनशेट्टी पोलिसांना करत होते.

त्याचवेळी शंकर शिवदारे नामक तरुण कार्यकर्ता हातात तिरंगा झेंडा घेऊन कलेक्टर नाईट यांच्या दिशेने धावत आला. तेव्हा कलेक्टर नाईट यांच्या जिवीतास धोका असल्याचे वाटून सार्जंट हॉल यांनी शंकर शिवदारे यांच्यावर गोळी झाडली. शिवदारे जागीच कोसळले आणि देशासाठी बलिदान देणारे सोलापूरचे ते पहिले हुतात्मा ठरले.

तर दुसऱ्या एका पोलीस कर्मचाऱ्याला पोलीस चौकीला आग लावून आतमध्ये ढकलून दिले. दोन पोलीस कर्मचारी यात मृत्युमुखी पडले. शहरातील सर्व व्यवहार आता सुरळीत सुरू असल्याचे काँग्रेस कमिटीने मुंबई सरकारला कळवले होते. पण तरीही स्थानिक इंग्रज अधिकाऱ्यांच्या विनंतीनुसार इंग्रज लष्कर 12 मे रोजी रात्री सोलापुरात दाखल झाले. मंगळवार पेठ पोलीस चौकी जळीत प्रकरणात 13 मे रोजी जगन्नाथ शिंदे, श्रीकिसन सारडा यांना तर 14 मे रोजी मल्लप्पा धनशेट्टी आणि कुर्बान हुसेन यांना अटक करण्यात आली.