पनवेलमध्ये फार्महाऊस कांड, वॉशरूममध्ये 'स्पाय कॅम', महिलांच्या Video ने मालकाची हार्ड डिस्क भरली!

यानंतर महिलेने पोलिसांना याबद्दलची माहिती दिली. पोलिसांनी याप्रकरणी महिलांचे अश्लिल व्हिडिओ रेकॉर्ड करणारा फार्महाऊसचा मालक मनोज चौधरी याला अटक केली आहे. चौधरीच्या मोबाईलमध्ये असे अनेक व्हिडिओ सापडले आहेत, तसंच त्याने हे व्हिडिओ शेअरही केले आहेत, असं पोलीस तपासात समोर आलं आहे. पोलिसांनी फार्महाऊसच्या मॅनेजरविरुद्ध निष्काळजीपणा तसंच घटनेत सहभागी असल्याच्या संशयावरून गुन्हा दाखल केला आहे.

पोलिसांनी दिलेल्या माहितीनुसार एका कुटुंबाने फार्महाऊस काही काळासाठी भाड्याने घेतले होते, तेव्हा महिलेला वॉशरूममध्ये छुपा कॅमेरा दिसला. तसंच महिलेने फार्महाऊसचा मालक चौधरीला त्याच्या फोनवर रेकॉर्ड केलेले व्हिडिओ पाहताना पकडले. यानंतर महिलेने ताबडतोब तिच्या कुटुंबाला घडलेल्या प्रकाराबाबत सांगितलं आणि त्यांनी पोलिसांना संपर्क केला. पोलीस घटनास्थळी दाखल झाले आणि त्यांनी चौधरीला अटक केली.

फार्महाऊस मालक मनोज चौधरी याच्या मोबाईलमध्ये असे किती व्हिडिओ आहेत आणि त्याने हे व्हिडिओ कुणाकुणाला पाठवले आहेत, याचा तपास पोलीस करत आहेत. तसंच याप्रकरणी कठोरातली कठोर कारवाई करणार असल्याचं आश्वासन पोलिसांनी दिलं आहे.