Suzuki ने टाकला बॉम्ब, आणली 175 किमी मायलेज देणारी Scooter, CBG वरही धावणार!

घरात सगळ्यांना वापरता येईल म्हणून स्कुटर ही पहिली पसंतीची ठरली आहे. त्यामुळे सर्वच प्रमुख वाहन उत्पादक कंपन्यांनी स्कुटर उत्पादनावर विशेष भर दिला आहे. काही दिवसांपूर्वी TVS मोटर्सने jupiter cng स्कुटरची झलक दाखवली होती, लवकरच ही स्कुटर लाँच होणार आहे. आता जपानी वाहन उत्पादक कंपनी सुझुकी मोटर कॉर्पोरेशनने टोकियो  japan mobility show 2025 मध्ये CNG स्कुटर लाँच केली आहे. लवकरच ही स्कुटर भारतासह इतर देशांमध्ये लाँच होणार आहे. विशेष म्हणजे, या स्कुटरचं मायलेज हे तब्बल 176 किमी असल्याचा दावा कंपनीने केला आहे. 

japan mobility show 2025 मध्ये सुझुकीने आपली पहिली CNG स्कुटर लाँच केली आहे. खास करून भारतीय ग्राहकांना डोळ्यासमोर ठेवून या स्कुटरची निर्मिती करण्यात आली आहे. विशेष म्हणजे ही स्कुटर बायोगॅसवरही चालणारी आहे. CBG आणि CNG या प्लॅटफॉर्मवर ही स्कुटर धावणार आहे.

सुझुकीने   japan mobility show 2025 मध्ये भारतात दुध उत्पादक कंपन्यांकडून कशा प्रकारे बायोगॅस आणि शेणाचं नियोजन करून गॅस तयार केला जातो, याचं प्रदर्शन भरवललं होतं. या प्रोजेक्टमध्ये शेणाचा वापर करून कशाप्रकारे बायोमिथेन गॅस  (CBG) तयार केलं हे दाखवण्यात आलं.

या प्रोजेक्ट मागे सुझुकीने भविष्यात भारतात प्रदुषणावर मात देण्यासाठी बायोमिथेन CBG गॅसचा वाहनात वापर करण्याचे संकेत दिले आहे. CBG च्या वापरामुळे कार्बन उत्सर्जन कमी करता येईल, अशी योजना सुझुकीने आखली आहे. 

CNG/CBG वर धावणार एक्सेस स्कूटर - सुझुकीने आपली लोकप्रिय suzuki access स्कुटरचं अपडेट व्हर्जन दाखवलं आहे. ही suzuki access स्कुटर CNG आणि CBG दोन्हीवर धावणार आहे. या स्कूटरमध्ये डुअल-टँक दिला आहे. यामध्ये एक 6-लिटर CNG टँक दिला आहे जो सीट खाली आहे.

सोबतच एक २ लिटरची पेट्रोलची टाकीही दिली आहे. ही एक खास आणि वेगळी डिझाइन आहे. सीएनजी टाकी लावण्यात आल्यामुळे स्कुटरचं वजन १० टक्के वाढलं आहे. एकदा टाकी फुल केल्यावर suzuki access स्कुटर ही जवळपास 170 किलोमीटर धावेल असा दावा कंपनीने केला आहे.

मात्र, स्कुटरमध्ये सीटखाली CNG टाकी दिल्यामुळे हेल्मेट आणि इतर साहित्य ठेवण्याची जागा मात्र कमी झाली आहे. पण, समोर पायाजवळ नेहमीसारखीच साहित्य ठेवण्यासाठी जागा कायम आहे.