सुनेत्रा पवारांना उपमुख्यमंत्री करा, दादांना मुखाग्नी दिल्यानंतर राष्ट्रवादीच्या गोटात वाढल्या हालचाली

मुंबई :  अजित पवारांना बारामतीच्या विद्या प्रतिष्ठान मैदानावर अखेरचा निरोप देण्यात आला.शासकीय इतमामात दादांवर अंत्यसंस्कार करण्यात आले. आपल्या लाडक्या नेत्याला अखेरचा निरोप देण्यासाठी मोठ्या प्रमाणात जनसागर उसळल्याचं पाहायला मिळालं. केंद्रीय गृहमंत्री अमित शाहा, भाजपचे राष्ट्रीय अध्यक्ष नितीन नवीन, मुख्यमंत्री, उपमुख्यमंत्री, राज ठाकरे, उद्धव ठाकरे यांच्यासह सर्व राजकीय पक्षांचे नेते यावेळी उपस्थित होते. विद्या प्रतिष्ठान मैदानात उपस्थित असलेल्या हजारो लोकांनी साश्रू नयनांनी दादांना निरोप दिला. यावेळी अजित पवार अमर रहेच्या घोषणा देण्यात आल्या. अजित पवारांच्या रुपानं राज्यातला विकासाचा ध्यास जोपासणारा नेता हरपला आहे. त्यांच्या जाण्याने राजकारणात मोठी पोकळी निर्माण झाली असून, आता त्यांचा राजकीय उत्तराधिकारी कोण असेल, या चर्चांना उधाण आले आहे. दरम्यान राष्ट्रवादीच्या काँग्रेसच्या राजकरणात खळबळ उडवणारे वक्तव्य समोर आले आहे.