Devendra Fadnavis in Bhivandi : 'मोदींच्या नेतृत्वात पांडव तर समोर कौरवांमध्ये..' शेवटच्या सभेत फडणवीस काय म्हणाले?

महाराष्ट्रामधील महायुतीची शेवटची सभा मी भिवंडीमध्ये घेत आहे. मार्च महिन्यामधील माझी ही 115 वी सभा आहे. आणि मी निश्चय केला होता की शेवटची सभा ही भिवंडीमध्ये घेणार आहे. कारण या भिवंडीमध्ये राष्ट्रभक्त, देशभक्त लोक राहतात. माझा विश्वास आहे की कपिल पाटील हे तिसऱ्यांदा भिवंडी लोकसभेमध्ये निवडून येऊन दिल्लीमधील संसद भवनमध्ये बसणार आहेत. ही निवडणूक कोणत्या एका व्यक्तीची नसून पूर्ण देशाची निवडणूक आहे. ही निवडणूक देशाची निवडणूक आहे. या निवडणुकीमध्ये कौरव आणि पांडवांसारखे युद्ध होणार आहे. एका बाजूने कौरवांची सेना आणि एका बाजूने पांडवांची सेना अशी या निवडणुकीची लढाई होणार आहे.

एका बाजूने विकासपुरुष नरेंद्र मोदी हे पांडवांच्या सेनेचे नेतृत्व करणार असून त्यांच्यासोबत शिवसेनेचे एकनाथ शिंदे, राष्ट्रवादीचे अजित पवार, मनसेचे राज ठाकरे, आठवल्यांचे रिपाई यासारखे अनेक पक्ष एकत्र येऊन पांडवांची सेना बनलेली आहे. तर दुसऱ्या बाजूने कौरवांच्या सेनेत कोण आहेत? राहुल गांधी, उद्धव ठाकरे, शरद पवार, आणि 24 पार्ट्या एकत्र येऊन इंडिया आघाडीचे गांधन बांधत आहेत. मी त्यांना विचारले की आमचा विजय झाल्यावर आमचे पंतप्रधान हे मोदी असणार आहेत. आणि जर तुमचा चुकून विजय झाला तर तुमच्याकडे पंतप्रधानाचा चेहरा कोण असेल. तुम्हाला माहित आहे की सकाळी 9 वाजता टीव्हीवर एक पोपटलाल लाईव्ह येतात. त्यांना विचारला की तुमच्याजवळ पंतप्रधान पदाचा चेहरा कोण आहे तर त्यांनी सांगितले की आमच्याजवळ पंतप्रधान पदासाठी खूप चेहरे आहेत. हा काय संगीत खुर्चीचा खेळ आहे का? असा टोला फडणवीस यांनी लगावला.