Bhiwandi Crime : शय्यासोबत करताना महिलेसोबत वाजलं; तरुणाकडून भयानक शिक्षा, भिवंडीतील घटना

आरोपी आपल्या मूळगावी पळून जाण्याची माहिती मिळाली. त्यानुसार भिवंडी शहर पोलीस ठाण्याचे वरिष्ठ पोलीस निरीक्षक महादेव कुंभार यांच्या मार्गदर्शनाखाली पोलीस उपनिरीक्षक रवींद्र पाटील, पोलीस शिपाई नितीन नंदीवाले, संजय भोसले हे तातडीने त्याला ताब्यात घेण्यासाठी रवाना झाले. आरोपीस आपल्या मूळगावी जाण्यासाठी पश्चिम बंगाल येथील खरगपूर रेल्वे स्थानकात रेल्वे बदली करावी लागते. त्यामुळे आरोपी हा गीतांजली एक्स्प्रेस मधून खरगपूर रेल्वे स्थानकात उतरताच पोलीस पथकाने आरोपी आकाशकुमार उर्फ पप्पू देवेंद्र मलिक यास ताब्यात घेतले व त्याकडे चौकशी केली असता त्याने हत्या केल्याची कबुली दिली. त्यानंतर त्याला अटक करून भिवंडीत आणून न्यायालयात हजर केले असता 1 डिसेंबरपर्यंत आरोपीस पोलीस कोठडी ठोठावण्यात आली आहे.