कारगिलचे जवान पाहतायेत रोहितची वाट; 17 वर्षांपासूनचं व्रत, कधीही पाहिला नसेल असा रक्षाबंधनाचा सोहळा!

देशाच्या रक्षणासाठी सैनिकांना घरापासून लांब सीमेवर रहावं लागतं. हे जवान देखील बहिणीच्या राखीची आतुरतेनं वाट पाहात असतात. त्यांच्या या भावना लक्षात घेऊन हा उपक्रम सुरू केला असल्याचं रोहितनं सांगितलं. 'मी शाळेत असताना सैनिकांना पोस्टकार्ड पाठवत असे. ते पोस्टकार्ड त्यांच्यापर्यंत पोहचतात का? असा प्रश्न तेव्हा सतावायचा. त्यामुळे त्यांना प्रत्यक्ष राखी नेऊन देण्याचं ठरवलं. रोहितबरोबर यंदा वास्तूविशारद प्रेम देसाई आणि फायर फायटर ससून गावडे हे देखील या उपक्रमात सहभागी झाले आहेत.

रोहितला या उपक्रमासाठी रोटीर क्लबकडून जवळपास 28 राज्यातून राख्या आणि मिठाई आल्या आहेत. प्रत्येक राज्यात आमची टीम आहे. गेल्या 20 दिवसांपासून त्यांचं या विषयावर काम सुरू होतं, अशी माहितीही रोहितनं दिली.