जेवणानंतर पान खायचंय? तर मग हे आहे बेस्ट लोकेशन, ठाण्यातील या ठिकाणी होते मोठी गर्दी, दरही कमी

ठाणे : जेवण झाल्यानंतर अनेकांना गोड खायला फार आवडतं. त्यांच्यासाठी डोंबिवली पूर्वेकडील रॉयल लिफ हे गोड पानांचे दुकान तर पर्वणीच आहे. डोंबिवलीतील या फॅमिली पान पार्लरमध्ये 15 हुन अधिक प्रकारची गोड पान मिळतात. वेगवेगळ्या प्रकारची पानांची व्हरायटी खाण्यासाठी फक्त डोंबिवलीतीलच नव्हे तर कल्याण कोपर या ठिकाणाहून देखील लोक येतात. डोंबिवलीतील हे रॉयल लिफचे दुकान डोंबिवलीकरांचे पहिल्या पसंतीचे दुकान आहे.

संदीप गोरख गगनमले या तरुणाने सात वर्षांपूर्वी हे गोड पानांचे दुकान सुरू केले. वेगवेगळ्या प्रकारचे गोड पान एका दुकानात मिळाले तर उत्तम म्हणजे लोकांना कुठेही फिरावं लागणार नाही, या उद्देशाने त्याने हे दुकान सुरू केले. लग्न समारंभ, बर्थडे पार्टी या फंक्शनला सुद्धा त्यांच्या या गोड पानांना मोठ्या प्रमाणात मागणी असते. चॉकलेट आणि स्ट्रॉबेरी फ्लेवर या दोन फ्लेव्हरना गिऱ्हाईकांची अधिक पसंती आहे.

'मी सात वर्षांपूर्वी या दुकानाला सुरुवात केली. लोकांना सगळ्या प्रकारच्या पानांच्या वरायटीज एकाच दुकानात मिळाव्यात हा माझा हेतू होता आणि या दुकानामुळे ते साध्य झालं. माझ्या दुकानातील चॉकलेट आणि स्ट्रॉबेरी त्याचसोबत मीठा पान हे लोकांना फार आवडतात,' असे रॉयल लीफ दुकानाचे दुकानदार संदीप यांनी सांगितले.

तुम्हालाही जर गोड पान जेवणानंतर खायला आवडत असेल आणि तुम्हाला व्हरायटीज वाले गोड पान हवे असतील तर तुम्हीही डोंबिवली पूर्वेतील या रॉयल लीफ म्हणजेच फॅमिली पान पार्लरला नक्की भेट देऊ शकतात.