Nanded: मुलीला उचललं आणि जबरदस्तीने दुचाकीवर बसवून ते दोघे पळाले, लोक फक्त पाहत होते, नांदेडमधील घटना

नांदेड:  नांदेडमध्ये दिवसेंदिवस गुन्हेगारीच्या घटनांमध्ये वाढ होताना दिसत आहे. खून, मारामारी आणि अपहरणाच्या घटनांमध्ये काही केल्या कमी होत नाहीये. अशातच नांदेड शहरामध्ये वर्दळीच्या ठिकाणी दोन तरुणांनी एक तरुणीला जबरदस्तीने दुचाकीवर बसवून फरार झाल्याचा व्हिडीओ समोर आला आहे. धक्कादायक म्हणजे, घटनास्थळी मोठ्या संख्येनं लोक उपस्थितीत होते. पण कुणीही त्यांना अडवू शकलं नाही. हा सगळा प्रकार एका व्यक्तीने मोबाईलमध्ये कैद केला आहे.