संसद गळाली, राम मंदिर गळालं, शिवरायांचा पुतळा पडला, ही मोदी गॅरंटी, ठाकरेंचा कडाडून हल्ला

महाविकास आघाडीचे चाळीसगांव विधानसभेचे अधिकृत उमेदवार उन्मेश पाटील ह्यांच्या प्रचारार्थ उद्धव ठाकरे यांनी जाहीर सभा घेतली. या सभेत त्यांनी भारतीय जनता पक्षाला जोरदार लक्ष्य केले. महाराष्ट्रात आता मोदींची गॅरंटी चालत नाही. संसद गळतेय, राम मंदिर बांधले ते देखील गळतेय. सिंधुदुर्गात शिवाजी महाराजांचा पुतळा पडला, ही मोदींची गॅरंटी आहे, असे उद्धव ठाकरे म्हणाले. मला गद्दारांना सांगायचं आहे की, तुमच्याकडे खूप संपत्ती असेल पण माझ्याकडे जनतेची संपत्ती आहे. समोर बसलेल्या शिवसैनिकांच्या उपस्थितीवरून निवडणूक निकालाचा अंदाज येतोय, असे उद्धव ठाकरे म्हणाले.