चार पायांचा 'शेरलॉक'! ब्लॅकीनं असा उघड केला काळजाचा थरकाप उडवणारा पत्नी-प्रियकराचा गुन्हा

गुन्हेगार कितीही हुशार असला तरी तो एखादा पुरावा मागे सोडतोच, असं म्हणतात. पण उमरग्यात या पुराव्याचा माग काढला तो एका श्वानानं! ४ जानेवारी रोजी उमरग्यात झालेल्या एका हत्याकांडाचा छडा लावण्यात 'ब्लॅकी' नावाच्या श्वानाने मोलाची भूमिका बजावली आहे. केवळ वासावरून आरोपींचा मार्ग शोधण्यापासून ते चक्क 'ओळख परेड'मध्ये आरोपीला निश्चित करण्यापर्यंत ब्लॅकीने दाखवलेल्या चातुर्यामुळे पोलिसांनाही आश्चर्याचा धक्का बसला आहे.