Vasai : वसईत भयंकर राडा, किरकोळ कारणावरून तुफान मारामारी,मारहाणीचा LIVE VIDEO

मिळालेल्या माहितीनुसार, वसई पूर्वेतील गावराई पाडा परिसरात काम करणारी तीन मुलं काम आटोपून आपल्या घराच्या दिशेने निघाली होती.यावेळी फोनवर बोलत असताना एकाला एका मुलांच्या ग्रुपने अडवलं. या दरम्यान दोघांमध्ये बाचाबाची झाली. या बाचाबाचीचे पुढे जाऊन हाणामारीत रूपांतर झाले होते. या घटनेत लाथाबुक्यांनी तरूणांना मारहाण करण्यात आली होती. या मारहाणीचा व्हिडिओ देखील सोशल मीडियावर व्हायरल झाला होता.

पीडित यश पवारने दिलेल्या माहितीनुसार, तो दोन मित्रांसह कामावरून आपल्या घराच्या दिशेने निघाला होता.यावेळी तो आपल्या भावासोबत फोनवर बोलत होता.याचवेळी काही तरूणांच्या टोळक्याने आयफोनच्या रंगावरून त्याच्यासोबत बाचाबाची करण्यास सूरूवात केली. त्यानंतर या बाचाबाचीचे हाणामारीत रूपांतर झाले आहे. हल्लेखोरांनी तिघांवर लाथाबुक्क्यांनी आणि रॉडने वार केल्याचा आरोप करण्यात येत आहे. या मारहाणीचा व्हिडिओ देखील व्हायरल झाला आहे.

या घटनेनंतर तरूणांनी वालीव पोलिस ठाण्यात गुन्हा दाखल केला आहे. तसेच या घटनेचा पुढील तपास पोलीस करीत आहेत. दरम्यान या घटनेने परिसरात एकच खळबळ उडाली.