थोरात-विखे वाद विकोपाला, संगमनेरच्या सभास्थळी ठिय्या; गाडीची जाळपोळ!

मागच्या दोन पिढ्यांपासून सुरू असलेल्या विखे-थोरातांचा संघर्षाचा पुढचा अंक विधानसभा निवडणुकीत सुरू झाला आहे. मुख्यमंत्रिपदाची स्वप्न पडणाऱ्यांना आता आमदारही होता येणार नाही, असा टोला सुजय विखे पाटील यांनी बाळासाहेब थोरातांना हाणला होता. यावर बाळासाहेब थोरात यांची कन्या जयश्री थोरात यांनी प्रत्युत्तर दिलं. माझ्या बापाला त्रास दिला तर खबरदार, थोरातांमुळेच तालुक्याचा विकास झाला आहे. हा बाप माझ्या एकटीचा नाही तर तालुक्यातल्या 7 लाख जनतेचा बाप आहे, असा पलटवार जयश्री थोरात यांनी केला.