Udayanraje Bhosale: उदयनराजेंच्या टार्गेटवर पुन्हा शरद पवार, विचारले 3 कडक सवाल

'आम्ही दोघांनी महायुतीच्या माध्यमातून विकास कामे केली आहे. त्यांनी याच विकास कामांच्या मुद्द्यावर आम्ही जनतेसमोर जाणार आहे. भाजपचे उमेदवार निवडून येण्यासाठी जिल्ह्यात फिरणार. अगदी महाराष्ट्रात फिरण्याची वेळ आली तरी फिरणार. महायुतीचे आमदार महाराष्ट्रात निवडून येणार असा मला विश्वास आहे. लाडकी बहिण योजनेवर टीका केला जात आहेत. सध्या त्यांच्याकडे काही मुद्दे नाहीत. या सरकारच्या माध्यमातून योजना मार्गे लागल्या या त्यांनी का मार्गी लावल्या नाहीत. स्वतः करायचं नाही आणि दुसऱ्याने केलं तर ते बघवत नाही. नाव ठेवण्यापलीकडे यांना काही जमत नाही, असा टोलाही उदयनराजेंनी विरोधकांना लगावला.

'गोपीनाथ मुंडे यांच्यासोबत मी कृष्णा खोरेचे त्यावेळी विषय मार्गी लावले. महायुतीने पत्रकार परिषदेत रिपोर्ट कार्ड जाहीर केलं, असं शरद पवारांनी केलं का? कारण त्यांनी केलेच नाहीत. मराठा आरक्षणाचा मुद्दा शरद पवारांच्या हातात असताना का मार्गी लावला नाही. शरद पवार मराठा आरक्षणाबाबत 23 मार्च 1994 चे भाष्य का करत नाहीत. संविधान बदलाबाबत म्हटलं जायचं पण या संविधानाला अधीन राहूनच सर्व केलं पाहिजे. जे करू शकत होते त्यांनी का केलं नाही. 23 मार्च 1994 मध्ये 16 टक्के आरक्षण का दिलं नाही. मनोज जरांगे पाटील यांना मी त्यावेळेस सांगितलं आहे. या सर्व गोष्टी राजकीय होणार असतील तर त्याला अर्थ राहणार नाही, असंही ते म्हणाले.