'शुभमने मला जिवंत जाळलं...', दीक्षाने ICU मध्येच Video रेकॉर्ड केला, पुढच्या काही मिनिटात प्राण सोडले!

कुटुंबातील सदस्यांनी दिलेल्या माहितीनुसार ही घटना 5 जानेवारी 2026 रोजी रात्री 9 वाजण्याच्या सुमारास घडली आहे. दीक्षाचा पती शुभम भडके घरी आला आणि त्यानंतर दोघांमध्ये वाद सुरू झाला. यानंतर त्याने रागाच्या भरात दीक्षाचे कपडे पेटवले. आग लावल्यानंतर शुभमने बाहेरून दरवाजा बंद केला आणि तो घटनास्थळावरून पळून गेल्याचा आरोप कुटुंबाने केला आहे.

समोर आलेल्या माहितीनुसार, दीक्षा गेल्या 6 ते 7 महिन्यांपासून पतीपासून वेगळी तिच्या आजीसोबत राहत होती. घटनेच्या वेळी तिची आजी उपस्थित नव्हती. याचा फायदा घेत शुभम घरी परतला आणि त्याने दीक्षाला पेटवून दिलं. आग लागल्यानंतर, दीक्षा घरात जिवंत जळून खाक झाली, पण तिला वाचवण्यासाठी कोणीही नव्हते.

तिची आजी घरी परतली तेव्हा तिला दरवाजा बाहेरून बंद आढळला आणि आतून दीक्षाचा मदतीसाठी ओरडण्याचा आवाज आला. यानंतर आजीने दरवाजा कसा तरी उघडला, तेव्हा दीक्षा त्यांना गंभीर भाजलेल्या अवस्थेत पडलेली दिसली. कुटुंब आणि शेजाऱ्यांच्या मदतीने तिला ताबडतोब चंद्रपूर सरकारी रुग्णालयाच्या आयसीयूमध्ये दाखल करण्यात आले.

रुग्णालयात दाखल केल्यानंतर, कुटुंबातील सदस्यांनी दीक्षाला घटनेबद्दल विचारपूस केली. त्यावेळी दीक्षा बोलू शकली. तिने स्पष्टपणे सांगितले की तिच्या पतीने तिचे कपडे पेटवले होते आणि नंतर बाहेरून दरवाजा बंद केला होता. कुटुंबातील सदस्यांनी दीक्षाच्या जबाबाचा व्हिडिओ देखील रेकॉर्ड केला. उपचारादरम्यान तिची प्रकृती बिघडली आणि 7 जानेवारी रोजी सकाळी तिचा मृत्यू झाला.

चंद्रपूर शहर पोलीस ठाण्यात दाखल केलेल्या एफआयआरनुसार, मृत महिलेच्या आजीने तक्रार दाखल केली. तक्रारीत म्हटले आहे की, दीक्षा आणि शुभम यांच्यात अनेकदा भांडणं व्हायची. या जोडप्याचं लग्न 5 वर्षांपूर्वी झालं होतं, तसंच त्यांना 4 वर्षांची मुलगीही आहे, जी सध्या तिच्या वडिलांसोबत राहते. पती-पत्नीमध्ये अनेकदा भांडणे होत असत. या जोडप्याचे लग्न सुमारे पाच वर्षांपूर्वी झाले होते आणि त्यांना चार वर्षांची मुलगी आहे जी सध्या वडिलांसोबत राहते.

'आरोपी पती शुभम भडके याला अटक करण्यात आली आहे. या प्रकरणाची गांभीर्याने चौकशी केली जात आहे आणि सर्व बाजूंनी तपास केला जात आहे', असं शहर पोलीस ठाण्याचे निरीक्षक निशिकांत रामटेके म्हणाले आहेत. दुसरीकडे दीक्षाच्या कुटुंबाने ही हत्या असून गुन्हेगाराला कठोर शिक्षा देण्याची मागणी केली आहे.