घरच्यांचा विरोध पत्करुन केली रेशीम शेती, महिन्याकाठी आता 4 लाखांचे उत्पन्न, Video

रेशीम शेती करायला त्यांच्या आई-वडीलांचा विरोध होता. मात्र घरच्यांचा विरोध जाऊन त्यांनी रेशीम शेती करायचं ठरवलं. सुरुवातीला संतोष यांनी घरातील एका छोट्या रूममधून पाचशे रुपयांची अंडीपुंज घेऊन त्यातून सुरुवात केली. त्यांनी घेतलेल्या पाचशे रुपयांच्या अंडीपुंजमधून त्यांना 2010 साली 2 हजार उत्पन्न हे भेटलं. कमी खर्चात जास्त उत्पन्न भेटत आहे. यामुळे त्यांच्या घरच्यांनी सुद्धानंतर ही शेती करायची परवानगी दिली. सध्या संतोष वाघमारे हे त्यांच्या संपूर्ण कुटुंबियांसोबत रेशीम शेती करतात.

संतोष वाघमारे यांचा चॉकी सेंटर देखील आहे. यातून ते अनेक शेतकऱ्यांना चॉकी देतात. या रेशीम शेती आणि चॉकीसेंटर मधून ते महिन्याकाठी 4 ते 5 लाखांचे उत्पन्न काढतात. संतोष यांच्याकडे काम करण्यासाठी सात ते आठ महिला देखील आहेत.

माझ्या घरच्यांचा या रेशीम शेतीला विरोध होता तरी सुद्धा मी ही शेती करण्याचा निर्णय घेतला. अणि त्यातून चांगलं उत्पन्न देखील मी आज कमावत आहे. शेती करायला माझे संपूर्ण कुटुंब मला मदत करतं, असं संतोष वाघमारे यांनी सांगितलं.