Heritage Foods Ltd Share Price: मुख्यमंत्र्यांच्या मालकीची कंपनी; पद स्वीकारल्यापासून रॉकेट झाला शेअर, गुंतवणुकदार झाले मालामाल

या वर्षी ४ जून रोजी लोकसभा निवडणुकीचे निकाल जाहीर झाले आणि त्यात नायडू यांच्या कंपनीने मोठा विजय मिळवला. हा विजय इतका महत्त्वाचा होता की केंद्रात मोदी सरकारला त्यांच्या पाठिंब्याशिवाय सरकार स्थापन करता येत नव्हते. फक्त लोकसभा नाही तर विधानसभा निवडणुकीत नायडू यांच्या पक्षाने बाजी मारली. चंद्रबाबू नायडू आंध्र प्रदेशचे मुख्यमंत्री झाले. या दोन्ही घटनेनंतर चंद्रबाबूंच्या कंपनीच्या शेअर्समध्ये तेजी आली.

चंद्रबाबू मुख्यमंत्री झाल्यानंतर हेरिटेज फूड्स लिमिटेडचे शेअर्स रॉकेट सारखे झेपावले. २३ मे रोजी कंपनीच्या शेअर्सची किंमत ३५४.५० रुपये इतकी होती. त्यानंतर शेअर्समध्ये तेजी आली आणि १० जून रोजी तो ६९५ रुपयांवर गेला. त्यानंतर शेअर्समध्ये चढ-उतार होत आले.