जमिनीतून नाही तर लॅबमधून काढणार सोनं, कसं तयार होणार?

सणासुदीचा काळ सरला आहे. आता लग्नसराई सुरू होईल. लग्न म्हटलं की वधूवरांसाठी सोनंखरेदीलाही सुरूवात होईल. सोन्याचे दरही वाढू शकतील. गेल्या काही काळापासून सोन्याची मागणी आणि किमती दोन्हींमध्ये वाढ झाली आहे. भविष्यात या दोन्ही गोष्टींमध्ये अधिक वाढ होण्याची शक्यता आहे. सोन्याची वाढत्या मागणीची पूर्तता करण्यासाठी सध्या एका नवीन पद्धतीने सोनं तयार करण्याचा प्रयत्न सुरू आहे. आतापर्यंत सोनं जमिनीतून काढलं जात होतं. पण, नवीन तंत्रज्ञानामुळे आता प्रयोगशाळेत सोन्याची निर्मिती शक्य होणार आहे. ज्याप्रमाणे जुन्या काळातील अल्केमिस्ट्स शिशाचं सोन्यात रूपांतर करण्याचा प्रयत्न केला होता त्याचप्रमाणे सध्याचे शास्त्रज्ञदेखील अत्याधुनिक तंत्रज्ञानाच्या मदतीने ही कल्पना प्रत्यक्षात आणण्याचा प्रयत्न करत आहेत. हे तंत्रज्ञान पूर्णपणे यशस्वी होण्याच्या मार्गात अनेक आव्हानं आहेत.